Wednesday, December 22, 2010

მარინე ჯანელიძე - ნევროლოგიური დეპარტამენტის ხელმძღვანელი

       მარინე ჯანელიძე - მედიცინის მეცნიერებათა დოქტორი, თბილისის სახელმწიფო სამედიცინო უნივერსიტეტის პროფესორი.
1975 წელს დაამთავრა თბილისის სახელმწიფო სამედიცინო უნივერსიტეტი და მუშაობა დაიწყო პეტრე სარაჯიშვილის სახელობის კლინიკური და ექსპერიმენტალური ნევროლოგიის ინსტიტუტში სადაც იგი იყო ორდინატორი, ასპირანტი, მეცნიერ თანამშრომელი, მთავარი ექიმი, დირექტორის მოადგილე, ნევროლოგიური კლინიკის ხელმძღვანელი.
     შეთავსებით, სხვადასხვა დროს, იყო ივანე ჯავახიშვილის სახელობის თბილისის სახელმწიფო უნივერსიტეტის კათედრის პროფესორი, პოსტდიპლომური
 განათლების სახელმწიფო სამედიცინო აკადემიის ნერვულ სნეულებათა (ფსიქიატრიის კურსით) კათედრის გამგე და ნევროლოგიური კლინიკის ხელმძღვანელი.

      2006 წლიდან იგი თბილისის სახელმწიფო სამედიცინო უნივერსიტეტის ნეირომედიცინის დეპარტამენტისა და სიმონ ხეჩინაშვილი სახელობის საუნივერსიტეტო კლინიკის ნევროლოგიური დეპარტამენტის ხელმძღვანელია.
 მისი პროფესიული ინტერესები მოიცავს დემენციას, ინსულტს, გაფანტულ სკლეროზს, თავის ტკივილს, ფსიქომოტორულ დარღვევებს.
      იგი არის ნევროლოგთა მსოფლიო ფედერაციის და ევროპის ნევროლოგიურ საზოგადოებათა ფედერაციის წევრი, საქართველოს დემენტოლოგიური საზოგადოების დამფუძნებელი და ხელმძღვანელი, საქართველოს ნევროლოგიური  ფორუმის და საქართველოს თავის ტკივილის საზოგადოების დამფუძნებელი, საქართველოს ნევროლოგთა და ნეიროქირურგთა ასოციაციის გამგეობის წევრი.

Saturday, December 18, 2010

გერმანელი ქირურგი Helmut Queckenstedt ვიზიტი

იანვრის თვეში ს.ხეჩინაშვილის სახ. საუნივერსიტეტო კლინიკაში გერმანელი ქირურგის Helmut Queckenstedt-ის მიერ ჩატარდება მენჯ-ბარძაყისა და მუხლის სახსრის ენდოპროტეზირებები.ინფორმაციის მისაღებად დაგვიკავშირდით შემდეგ ტელეფონის ნომრებზე:899 34 42 46;890 34 42 46 და 17:00 საათის შემდეგ კი 34 42 46

”Randox Laboratory"

                       
      სამშაბათს,21 დეკემბერს 15:00 საათზე   ს.ხეჩინაშვილის სახ. კლინიკაში მეოთხე სართულზე ჩატარდება სემინარი,რომელსაც ატარებს ”Randox Laboratory".

                   We at Randox Laboratories would like to invite you to participate in a seminar dedicated to RIQAS - Randox International Quality Assessment Scheme. RIQAS is the largest global EQA scheme. It is used by more than 16,000 laboratories in 86 countries worldwide.
The seminar will take place in S. Khechinashvili University Clinic (on the 4th floor) on 21st December at 15.00.








გადაცემა ”ოჯახის ექიმი”

      17 დეკემბერს,საზოგადოებრივი რადიოს პირდაპირ ეთერში (FM 102,4) გადაცემაში ”ოჯახის ექიმი” შეგიძლიათ მოისმინოთ იმ სიახლეების შესახებ,რომელიც იგეგმება ჩვენს კლინიკაში.გვისმინეთ ტალღაზე FM 102,4 15:05 საათზე
ვიდეოს ნახვა შესაძლებელია ამ ლინკის საშუალებით.

"ელექტროკლინიკური ნეირომიოლოგია"


         2010 წელს საპატრიარქოს გამომცემლობა „ნეკერის“ მიერ გამოცემულ იქნა ბატონ  რომან შაქარიშვილისა და ქალბატონ ნანა კვირკველიას მონოგრაფია "ელექტროკლინიკური ნეირომიოლოგია".
მონოგრაფია ეძღვნება ელექტრომიოგრაფიული მეთოდების გამოყენებას ნევროლოგიური და ნეიროსომატური დაავადებების განვითარების სხვადასხვა ეტაპზე პერიფერიული ნეირომოტორული აპარატის ცალკეული რგოლის დაზიანების დიაგნოზირებაში, განვითარების მექანიზმის შესწავლასა და მონიტორინგში.
       მოყვანილია ჩონჩხის კუნთების მოტორული ერთეულების, პერიფერიული ნერვების მოტორულ და სენსორულ ბოჭკოებში აგზნების გატარების, ნერვკუნთოვანი გადაცემის პარამეტრების განსაზღვრის მეთოდური ხერხები. დეტალურად არის განხილული ელექტრომიოგრაფიის გამოყენების შესაძლებლობანი მოტონეირონის, პერიფერიული ნერვების მიელინური და აქსონური სტრუქტურების ნერვკუნთოვანი გადაცემის და კუნთოვანი ბოჭკოების დაზიანებასთან დაკავშირებული სხვადასხვა კლინიკური სინდრომების დიფერენცირებულ დიაგნოზირებაში.
       წიგნი განკუთვნილია ფართო წრისათვის–პერიფერიულ ნერვულ სისტემაზე მომუშავე მეცნიერთათვის, უწყვეტი პროფესიული განათლების პროგრამაში ჩართული სხვადასხვა პროფილის ექიმებისა და რეზიდენტებისათვის.
       ეძღვნება აკადემიკოს პეტრე სარაჯიშვილი მიერ დაფუძნებული ნევროლოგიის ინსტიტუტის პირველ თაობას.

კეთილთვისებიანი პაროქსიზმული პოზიციური თავბრუხვევა

         2009 წელს ფარმაცევტული კომპანია „ჯი პი სი“–ს თანადგომით   გამოცემულ იქნა ბატონ . შაქარიშვილისა და ქალბატონ . თევზაძის  მონოგრაფია კეთილთვისებიანი პაროქსიზმული პოზიციური თავბრუხვევა.

         მონოგრაფიაში წარმოდგენილია ვესტიბულური სისტემის უხშირესი პათოლოგიის კეთილთვისებიანი პაროქსიზმული პოზიციური თვბრუხვევის კლინიკური ასპექტების ფართო სპექტრი: რისკ ფაქტორები, პათოფიზიოლოგია, დიაგნოსტიკური და თერაპიული ალგორითმები, რეაბილიტაციის პრინციპები.

ნაშრომში მოცემული კლინიკური მასალის ანალიზი დაფუძნებულია ავტორთა  მრავალწლიან გამოცდილებაზე, რომელიც ასახავს მულტიდისციპლინურ მიდგომას დაავადების ფიზიოლოგიური მექანიზმების ინტერპრეტაციაში და თერაპული სტრატეგიის განსაზღვრაში, რითაც ამკვიდრებს ვესტიბულონევროლოგიის ნოზოლოგიურ ავტონომიას.